معلومات الورشة
عني 🌸
أنا هبة – ممرضة ومرافقة حمل وولادة.
رافقت عشرات الأمهات والعائلات بأهم لحظات حياتهم: من الحمل، للولادة، وللأيام الأولى مع المولود.
مرقت مع أمهات كثيرات بتجارب مختلفة، وشاهدت كيف كلمة دعم صغيرة أو معلومة صحيحة تغيّر كل الإحساس.
رسالتي أن أكون جنبك، أسمعك، وأعطيك أدوات تخلي تجربتك أهدى وأوعى.
"التحضير لفترة ما بعد الولادة لا يقل أهمية عن التحضير للولادة نفسها."
ليش تنضمي للورشة؟
🤰 إذا إنتِ حامل بآخر أشهر الحمل… هذه الورشة فرصة تتحضري بوعي للمرحلة التي بعدها. مش بس للولادة نفسها، كمان للأيام والأسابيع اللي راح تبلشي فيها مشوار الأمومة.
👩🍼 وإذا إنتِ أم جديدة… الورشة راح تساعدك تفهمي شو طبيعي وشو مش طبيعي، كيف تتعاملي مع التساؤلات اليومية (النوم، البكاء، المغص، التغييرات بالبيت)، وكيف تدعمي نفسيتك بهذه الفترة الحساسة.
💛 بالورشة ستجدين:
- صورة أوضح عن الأيام الأولى بعد الولادة: شو طبيعي، وشو ممكن يثير قلقك، وكيف تتعاملي معه
- أدوات عملية للتعامل مع المولود: النوم، البكاء، المغص، الحمام الأول، تساؤلات يومية تشغلك كأم جديدة
- دعم لنفسيتك: كيف تتعاملي مع تقلبات المزاج، الإرهاق، والإحساس إنك مش لحالك
- توازن في البيت والعائلة: كيف تدخلي مرحلة الأمومة وأنتِ زوجة، امرأة، وإلك دورك الخاص
💛 الورشة مش بس معلومات… هي مساحة آمنة تسمعي فيها وتطلعي مع أجوبة واضحة تخفف عنك التوتر.
📌 ملاحظات هامة
- رابط الدخول للـ Zoom راح يوصلك على الإيميل قبل الورشة بيوم
- الدخول مخصص فقط للمشتركات اللي سجلوا مسبقاً
- مهم تدخلي على الزوم باسمك الشخصي، عشان أقدر أتأكد إنك من المشتركات
- يفضَّل تدخلي قبل الورشة بنص ساعة على الأقل، لتتأكدي إن كل اشي شغال عندك وندخل على الوقت
للاستفسار
في حال واجهتك أي مشكلة في التسجيل أو لديك أي استفسار، يمكنك
التواصل معنا عبر:
hebathenurse@gmail.com
تابعينا على
